Go to ...

टटका खबर

Online Bhojpuri Newspaper

RSS Feed

पटना में हीरा तराशे के कारखाना खुलल


बियफे का दिने पटना में एगो कारखाना के उद्घाटन मुख्यमंत्री नीतीश कुमार कइलन. एह कारखाना में हीरा तराशे के काम होखी आ हर महीना नाहियो त तीन लाख हीरा तराशल जाई. एह मौका पर उपमुख्यमंत्री सुशील मोदी, श्रम मंत्री जनार्दन सिंह सिग्रीवाल आ उद्योग मंत्री रेणु कुशवाहा समेत अनेके खासमखास लोग मौजूद रहुवे.

बतावल जात बा कि एह कारखाना से बिहार में छह सौ करोड़ रुपिया के निवेश होखी आ डेढ़ हजार कारीगरन के काम मिली. उद्घाटन का मौका पर अपना विरोधियन पर तंज कसत मुख्यमंत्री नीतीश कुमार कहलन कि अब त ओह लोग के मुँह बन्द हो जाए के चाहीं जे कहत रहुवे कि बिहार में एगो सुईयो के कारखाना आजु ले ना खुल पावल.

जाने जोग बा कि बिहार फाउण्डेशन का सहयोग से एगो लेदर फैक्टरी के शिलान्यास फतुहा में पहिलही हो चुकल बा आ ई दोसरकी सफलता ह बिहार फाउण्डेशन के.

Tags: ,

%d bloggers like this: