web analytics

जान लेबे गइले जान देबे पड़ गइल

बक्सर दियरांचल के सिमरी प्रखंड के डुमरी गाँव में आपसी रंजिश का चलते एगो मनबढ़ लंबोदर चौबे अपना साथी ओंकार कुंवर संगे मोटरसाइकिल से आके अपना दुआरी पर बइठल नन्हमुटी कुंवर के ताबड़तोड़ गोलीमार के भाग चलल. बाकिर आगे बालू पर मोटरसाइकिल बिछिलइला से गिर गइले दुनु बदमाश. ओकरा बाद गोली चलावत लंबोदर चौबे त भाग निकलल बाकिर गाँव के लोग ओंकार कुंवर के ध लिहल आ जम के पिटाई कर दिहल जवना से ओकर ओहिजे मौत हो गइल. नन्हमुटी कुंवर गाँव के महिला मुखिया आभा देवी के देवर रहल. ओकार कुंवर पीएनबी के बलिया शाखा में कैशियर रहल बाकिर अपना मनबढ़ सुभाव का चलते गाँव के अपराधियन से मेल जोल राखत रहुवे. लंबोदर तीन साल पहिले बक्सर कोर्ट से फरार हो गइल रहुवे आ तबसे फरारे चलत बा.

 215 total views,  5 views today

%d bloggers like this: