बंधा खाली करे का आदेश से सैकड़ो परिवार मुसीबत में
May 20, 2013
गोपालगंज जिला में गंडक का कटाव से मेहदियां, मलाही टोला, रामपुर टेगराही, कठघरवा, धूपसागर, बरइपट्टी वगैरह कई गांव में सैकड़ो परिवारन के घर बिला गइल त ऊ लोग गंडक का बंधा पर आपन ठिकाना बना लिहल. सरकार का ओर से नाम मात्र के सहायता मिलल बाकिर तीन साल से ई परिवार बंधे पर आपन ठिकाना बनवले मेहनत मजूरी कर के आपन पेट पोसत आइल बाड़े. अब एह लोग पर फेरू आफत के पहाड़ टूटल बा काहें कि बाढ़ नियंत्रण आयोग एह लोग से बन्धा खाली कर देबे के कहले बा.
एह बारे में गोपालगंज के जिलाधिकारी के कहना बा कि एह पीड़ित परिवारन के बासगीत जमीन देबे के कोशिश हो रहल बा आ इंदिरा आवासो दिहल जाई. तबले एह लोग के केहु परेशान ना करी.
