बिहार आ पूर्वांचल में कई जगहा बरखा भइला से गरमी से राहत मिलल

बिहार आ पूर्वांचल में कई जगहा बरखा भइला का बाद गरमी से राहत मिलल बा. बिहार में बियफे से बरखा शुरू भइल जबकि पूर्वांचल में शुक का दिने. एह बरखा से जगहे जगह पानी लगला से सड़क किचकाहिन हो गइल बा.
मौसम विभाग के कहना बा कि अबहीं तीन चार दिन ले आसमान पर बदरी घेरले रही आ छिटपुट बरखो हो सकेला. ओने मानसून के बदरी केरल का किनार पर दस्तक देबही वाला बा.