भोजपुरी गायक गोपाल राय पर लूट के मुकदमा

देरी से आइल एगो खबर में बतावल गइल बा कि भोजपुरी गायक गोपाल राय अपना एगो साथी संगे यमुना चौक के एगो इलेक्ट्रानिक दुकान से पचास हजार नगदी आ सोना के एगो सिकड़ी लूट ले गइले. दुकान के मालिक पिछला २१ जून के थाना में केस दर्ज करवले बाड़े कि बलिया के भरौली के रहेवाला गोपाल राय अतवार का दिने अपना साथी उजियार के अजय राय का संगे आ के लूट के ई वारदात कइलन. पुलिस मामिला के तफतीश में बिया.