छपरा से गायब अधिवक्ता अजय कुमार सिंह के अपहरण ना भइल रहुवे. ऊ अपना लेनदारन से बचे ला खुदही भाग के जमशेदपुर चल गइल रहलें आ एगो होटल में कमरा बुक करा के आराम फरमावत रहलें. अपहरण का अनेसा में पुलिस उनुका मोबाइल के सर्विलांस में लगा लिहले रहुवे जवना से पता लागल कि ऊ जमशेदपुर में बाड़न आ पुलिस ओहिजा से उनका के ले के छपरा आ गइल. होटल के रजिस्टरो जब्त कर के ले आइल बिया पुलिस जवना में अधिवक्ता खुद आपन नाम पता फोन नंबर लिख के दस्तखत कइले बाड़ें.

बतावल जात बा कि जमीन बेचे का नाम पर ऊ कई लोग से लाखो रुपिया ले लिहले बाड़े आ अब ओही से बाँचे खातिर कहानी बनावत रहलें.

By admin

%d bloggers like this: