web analytics

बलिया हनुमनागंज चट्टी पर एगो लड़िका कचरा के मरल

सोमार के साँझ बलिया के सुखपुरा थाना के हनुमनागंज चट्टी पर बाजार करे आइल छोड़हर गाँव के बलिराम बिंद आ मनोज बिंद के एगो बस कचार दिहलसि. एह हादसा में बलिराम के मौत ठाँवे पर हो गइल जबकि मनोज के गंभीर हालत में अस्पताल भेजल गइल. एह हादसा का बाद खिसियाइल लोग के भीड़ घंटा भर से अधिका समय ले पुलिस से अझुराइल. बस के आग लगा दिहल गइल. बलिराम के लाश सड़क पर राख के लोग रास्ता जाम कर दिहल. पुलिस लाठी भाँज के लोग के चहेटलसि बाकिर लाश उठावत घरी लोग फेर घेर लिहल. बाद में एडीएम केपी सिंह अइलन आ बलिराम के परिवार ला इंदिरा आवास आ बीस हजार रुपिया के सहायता देबे के वादा कइलन तब जा के लोग हटल.

 302 total views,  2 views today

%d bloggers like this: