छपरा मिड डे मिल हादसा में मरे वालन के गिनिती २१ भइल

सारण जिला के मशरख का स्कूल में भइल मिड डे मील हादसा में भोर तकले बीस गो लड़िका आ खाना बनावे वाली रसोइया मिला के इकइस जने के मौत हो चुकल बा. मरे वालन के गिनिती अउरी बढ़े के अनेसा बा.

एह हादसा का विरोध में आ मरे वाला लड़िकन के शोक में आजु छपरा के सगरी निजी स्कूल बंद राखल गइल बा. निजी स्कूलन के कमिटी प्रशासन से सरकारियो स्कूलन के बंद राखे के कहले बिया.