Go to ...

टटका खबर

Online Bhojpuri Newspaper

भोजपुरी के बढ़ाईं, टटका खबर पर विज्ञापन दीं.

अधिका जानकारी ला  editor@anjoria.com  के मेल करीं.

RSS Feed

गोपालगंज पुलिस के जीप चार जने के कचरलस


मंगल का रात पुलिस गश्ती पर निकलल जीप शहर में कई जगहा दुर्घटना करत चार लोग के कचार दिहलसि. घवाहिलन के इलाज खातिर सदर अस्पताल में भरती करावल गइल जहाँ से हालत खराब भइला पर दू जने के गोरखपुर मेडिकल कॉलेज रेफर कर दिहल गइल. लोग कहत बा कि जीप पर सवार पुलिस वाले नशा में धुत रहलें. एह चलते लहरा के चलत जीप सबसे पहिले जंगलिया मोड़ का लगे एगो बुलेट के धक्का मरलसि, ओकरा बाद अम्बेडकर चौक पर लाल कोठी का नियरा एगो पैदल के धक्का मरलसि. फेर तुरकाहां गांव का लगे अपना दुआरी पर सूतल दू गो आदमी के धक्का मारत आगे जा के एगो गड़हा में पलट गइल. एह से कुछ सिपाहियनो के चोट लागल बा.

एह घटना का खिलाफ खिसियाइल लोग तुरकाहा का लगे जम के हंगामा कइले आ हाइवे जाम कर दिहले. घंटा भर बाद पुलिस ओह लोग के केहू तरह समझा बुझा के जाम हटवलसि.

Tags:

More Stories From बिहार

%d bloggers like this: