गोपालगंज के कपड़ा व्यवसायी नितेश टिबडेवाल मंगल का दिन से गायब बाड़न. बतावल जात बा कि उनुका मोबाइल पर आइल फोन का बाद ऊ समय से पहिलही दुकान बढ़ा के चल दिहलन. ओकरा बाद से उनकर पता ना लागल. मोबाइल पर संपर्क ना हो पावल.बड़ी देर ले ना अइलें त पुलिस के खबर भइल आ पुलिस उनकर मोटरसाइकिल आ चप्पल एक जगह से बरामद कर लिहलसि, ओहिजे उनकर मोटर साइकिल लॉक हालर मे खड़ा मिलल आ जमीन पर कुछ खून के दागो नजर आइल. बतावल जात बा कि उनुका आवाज लगवला का बावजूद मुहल्ला के केहू ना निकलल आ शायद उनुका के चरपहिया गाड़ी से उठा ले गइले सँ. एह घटना के बारे में कवनो जानकारी नइखे मिलत कि के फोन कइले रहल, काहे मोटरसाइकिल लॉक मिलल वगैरह.
354 total views, 2 views today