गोपालगंज के महेन्द्र महिला महाविद्यालय पर धरना प्रदर्शन

गोपालगंज शहर के महेन्द्र महिला महाविद्यालय के छात्रा कालेज प्रबंधन पर आरोप लगावत बाड़ी कि कालेज में विद्यार्थियन से नाजायज रुपिया वसूलल जात बा. नाम लिखावे के शुल्क का साथे पाँच हजार रुपिया के नाजायज वसूली होखत बा जवना के रसीदो नइखे दिहल जात. दोसरे नाम लिखावे में धांधलीओ खूब होखत बा आ मेरिट लिस्ट का आधार पर दाखिला नइखे लिहल जात. मंगल का दिने एही बात पर कालेज का गेट पर छात्रा सभे प्रदर्शन कइली सँ.