web analytics

शहीद सीओ के बीमा खातिर बाप महतारी का खिलाफ दावा ठोकली बेगम

कुंडा में मारल गइल सीओ जियाउल हक के बीमा के धन ला उनकर बीबी सीओ के बाप महतारी का खिलाफ मुकदमा ठोक दिहले बाड़ी. उनकर कहना बा कि बीमा के धन बीबी के मिले के चाहीं जबकि बीमा निकाह के पहिले के ह आ ओह पर बापे महतारी के नामिनी बनवले रहले जियाउल हक. बेगम चाहतारी कि बीमा के पूरा धन उनके के दिहल जाव आ बाप महतारी के कुछ ना मिले. ऊ कोर्ट में गोहार लगवले बाड़ी कि कोर्ट बीमा कंपनी पर रोक लगा देव कि जब ले एकर फैसला नइखे हो जात तबले बीमा के भुगतान मत करे. बाकिर कोर्ट ई रोक लगावे से इंकार कर दिहलसि आ कहलसि कि दुनु फरीक के बात सुनला का बादे कवनो फैसला दिहल जाई.

 234 total views,  5 views today

%d bloggers like this: