Go to ...
RSS Feed

Archives for July 2013

मशरख स्कूल के प्रधानाध्यापिका पकड़इली

आजु नौ दिन बाद मशरख के धरमसती गंडामन प्राइमरी स्कूल के प्रधानाध्यापिका मीना कुमारी पुलिस का हाथे लाग गइली आ उनुका गिरफ्तार होखला का बाद मुख्यमंत्री नीतीशो कुमार सामने आ गइलें मीडिया से बतियावे खातिर. कहलें कि गोड़ के चोट का चलते अशक्त रहलन बाकिर पल पल नजर रखले रहुवन. इशारे इशारा में कह गइलन

शौहर के बीमा पर आपन हक जतवली जियाउल हक के बेवा

प्रतापगढ़ के कुंडा में मराइल सीओ जियाउल हक अपना निकाह से पहिले दू गो बीमा करवले रहुवन. एगो के नामिनी महतारी के आ दोसरका के नामिनी बाप के बनवले रहुवन. जियाउल हक के मरइला पर यूपी सरकार जियाउल हक के बीबी परवीन आजाद के नौकरी आ बीस लाख रुपिया दिहलसि. साथ ही जियाउल के भाई

लालु के अपील पर सुप्रीम कोर्ट सीबीआई से जवाब मँगलसि

बिहार झारखंड के बहुचर्चित चारा घोटाला के आरोपी लालू प्रसाद सुप्रीम कोर्ट से गोहार कइले बाड़न कि उनका मामिला के सुनवाई करत सीबीआई जज के बदल दिहल जाव काहे कि मौजूदा जज बिहार के शिक्षा मंत्री पी के शाही के रिश्तेदार हउवन आ एह चलते उनका खिलाफ फैसला सुना सकेलें. हाई कोर्ट एह बाबत लालू

पटना के रविन्द्र भवन में बिहार भोजपुरी अकादमी के पैंतीसवा सालगिरह

अतवार का दिने पटना के रविन्द्र भवन में बिहार भोजपुरी अकादमी के पैंतीसवा सालगिरह बहुते धूमधाम से मनावल गइल. एह मौका पर भइल सांस्कृतिक कार्यक्रम में मालिनी अवस्थी, भरत शर्मा व्यास, मनोज तिवारी आ मारीशस से आइल हुसीला देवी रिसॉल के कार्यक्रम के लोग मंत्रमुग्ध होके देखल सुनल. एह आयोजन में भाग लेबे खातिर देश

मोहनिया अस्पताल के डाक्टर पर जानलेवा हमला

काल्हु अतवार का दिने मोहनिया सबडिवीजनल हास्पीटल के उपाधीक्षक डा॰ बी अंसारी पर कुछ लोग जानलेवा हमला कर दिहलसि जवना का बाद उनुका के बहुते गंभीर हालत में वाराणसी रेफर कर दिहल गइल. एह हमला का बाद डाक्टर लोग हड़ताल पर चल गइल बा आ कैमूर के जिलाधिकारी का निहोरा का बावजूद इमरजेन्सीओ नइखे चले

यूपी में आरक्षण के नयका कानून पर आपन फैसला हाई कोर्ट रोक लिहलसि

यूपी में लोक सेवा आयोग आरक्षण के नया कानून बना दिहले बा आ एकरा के चयन के हर सीढ़ी पर लगावे के फैसला कइले बा. एह नया तरीका से राज्य में सत्तर से अस्सी फीसदी सीट आरक्षण के अधिकारी प्रतिभागियन के चल जाई आ सामान्य वर्ग के प्रतिभागी टुकुर ताकत रह जइहें. हाई कोर्ट के

मकान मजदूरन के थकान मेटावे खातिर जहर पिया दिहलसि एगो डाक्टर

बलिया के भीमपुरा इलाका के मालीपुर के नाथपलिया गांव में छत के ढलाई करत मजदूरन के थकान मिटावे खातिर मकान बनवावे वाला होमियोपैथिक डाक्टर कवनो दवाई के घोल पीया दिहलसि. एह घोल के कुछ मजदूर चार चार गिलास पी घलले. बाकिर थोड़ देर बाद एक एक कर के मजदूरन के तबियत खराब होखे लागल. मजदूर

राहुल गाँधी अपना बोलतुअन के मोदी से निपटे के तरीका सिखावत बाड़न

कांग्रेस के बोलतुअन के एगो कार्यशाला दिल्ली में होखत बा जवना में देश भर के कांग्रेसी बोलतुआ चहुँपल बाड़े. एह कार्यशाला में ओह लोग के सिखावल जाई कि कइसे भाजपा के बोलतुअन के काट करे लोग. जान जाईं कि सोशल मीडिया पर नरेन्द्र मोदी के समर्थक कांग्रेसियन पर भारी पड़त बाड़ें आ कांग्रेस ओह लोग

बिहार भाजपा पर नीतीश के राजनीति तमाशा शुरू करवलसि

दरभंगा जिला के हायाघाट से भाजपा विधायक अमरनाथ गामी सुशील कुमार मोदी का खिलाफ अतना बयानबाजी कइलन कि भाजपा उनुका के निलंबित कर दिहलसि. गामी का साथे जाले के विजय कुमार मिश्र, मोहिउद्दीन नगर के राणा गंगेश्वर सिंह, कुशेश्वरस्थान के शशिभूषण हजारी, गायघाट के वीणा देवी, चिरैया के अवनीश कुमार सिंह समेत कुछ अउर विधायक

धरमासती गंडामन गाँव के स्कूल प्रिंसिपल के पकड़े खातिर उनका नइहर में छापा

पुलिस मशरख के धरमासती गंडामन गांव के प्राइमरी स्कूल के फरार प्रधानाध्यापिका मीना देवी के पकड़े ला मीना के नइहर सिवान जिला के बसंतपुर इलाका के बाला गाँव में अतवार का रात छापा मरलसि बाकिर खाली हाथ लवटल. मीना देवी त नाहिए मिलली उनकर कवनो सुरागो ना मिल सकल पुलिस के.

मोतिहारी स्टेशन से रिजर्वेशन सुपरवाइजर के रंगे हाथ धइलसि सीआइबी

शनिचर का दिने मोतिहारी टीसन का रिजर्वेशन काउंटर से मुख्य रिजर्वेशन सुपरवाइजर बच्चा लाल के सीआइबी के टीम रंगे हाथ धर लिहलसि. बच्चा लाल का लगे से आनंद विहार, हावड़ा आ जयपुर के तत्काल टिकट आ हिसाब से अधिका एगारह हजार सात सौ सत्तर रुपिया नगद मिलल. तत्काल टिकट करीब अतने के रहुवे. बच्चा लाल

फूड बिल पास करावे खातिर कांग्रेस मुलायम से डील कइलसि?

राजनीतिक गलियारन में चरचा तेज बा कि कांग्रेस अपना चुनावी हथियार फूड सिक्युरिटि बिल संसद में पास करावे खातिर सपा प्रमुख मुलायम सिंह से डील कर लिहले बिया. एह डील का मुताबिक सपा फूड सिक्युरिटी बिल पास कराई आ सरकार सीबीआई वाला मुकदमा हटा ली. मुलायम सिहं यादव आ उनुका परिवार पर मालूम आमदनी से

जहरखुरान के फेर मे पड़ के मर गइल शेरवा कलां के एगो नवही

दिल्ली से कमा के सद्बावना एक्सप्रेस से बलिया लवटत सुखपुरा थाना के शेरवाकलां के एकइस साल के राधेश्याम प्रजापति के बीचे राह में कुछ जहरखुरान कोल्ड ड्रिंक में जहर मिला के पीया दिहलें जवना से ऊ अर्धबेहोशी का हालत में आ गइल. एह बीच ओकर सगरी सामान, मोबाइल वगैरह ले के उतर गइलें. राधेश्याम ओही

कोतवाल के गिरफ्तारी के बात गलत बतवले आईजी मीणा

पहिले बतावल गइल रहे कि विधायक रह चुकल आ बसपा नेता सीपू सिंह के हत्या का मामिला में कोतवाल के निलंबित कर के गिरफ्तार कर लिहल गइल बा. बाकिर जोनल आईजी जी एल मीणा कहलन कि कोतवाल के पूछताछ खातिर हिरासत में लिहल गइल रहे बाकिर गिरफ्तार नइखे कइल गइल. अब हिरासत में लिहला आ

बलिया के जयप्रकाशनगर में कार्पोरेशन बैंक आपन शाखा खोलेला तइयार

बलिया के जयप्रकाश नगर में कार्पोरेशन बैंक के शाखा खोले खातिर गाँव के फैसला होखे वाला बा. इब्राहिमाबाद, कर्णछपरा आ नौबरार में से कवनो एक जगहा के चुनाव होखी. ई बात कांग्रेसी नेता बिनोद सिंह बतावत बाड़ें जे एह ला भरपूर कोशिश कइलन. एह इलाका में कवनो राष्ट्रीयकृत बैंक के शाखा ना रहला से एहिजा

वाराणसी से मुख्तार आ बलिया से अफजाल

अगिला लोकसभा चुनाव २०१४ खातिर एकता मंच अपना चौदह गो उम्मीदवारन के नाम के एलान कर दिहलसि. एहमें मुख्तार अंसारी के नाम वाराणसी से त अफजाल अंसारी के नाम बलिया से दिहल गइल बा. बाकी उम्मीदवारन में अंबेडकरनगर से गोपाल निषाद, लालगंज से रामदहिन पासवान, आजमगढ़ से ओमप्रकाश चौहान, गाजीपुर से बाबू सिंह कुशवाहा, सलेमपुर

बलिया टीडी कॉलेज के प्रवेश शु्ल्क के मामिल सलटल

पिछला चार दिन से टीडी कॉलजे के प्रवेश शुल्क कम करावे खातिर पुरनका छात्र नेता लोग के अनशन प्रदर्शन काल्हु जूस पी के खतम कर दिहल गइल. एह पुरनका नेता लोग के जिद्द का आगा झुकत प्रशासन आ प्राचार्य प्रवेश शुल्क घटा के एक सौ रुपिया करे के तइयार हो गइलें.

देवघर खातिर स्पेशल रेलगाड़ी

सावन का महीना में काँवरियन के भीड़ देखत पूर्व मध्य रेलवे नरकटियागंज से मोतिहारी मुजफ्फरपुर होखत देवघर जाए खातिर स्पेशल ट्रेन चलाई जवन एक दिन का आँतर पर नरकटियागंज से जसीडीह ले जाइल करी. बतावल गइल बा कि 22 जुलाई से 23 अगस्त का बीच हर दुसरका दिने ई ट्रेन नरकटियागंज से सबेरे 5.45 बजे

मशरख के सगरी के त ना बाकिर एगो बच्चा के परिवार के मिली पांच लाख रुपिया के मुआवजा

सारण जिला के मशरख का धरमसती गाँव के प्राइमरी स्कूल के तेइस गो लड़िका मिड डे मील खा के मर गइले. एह हादसा का बाद सरकार बाइस गो परिवार के दू दू लाख आ एगो परिवार के पाँच लाख रुपिया के मुआवजा दी. एह तरह के फैसला एह चलते भइल बा कि ऊ लड़िका अनुसूचित

एको बरखा ना झेल पवलसि सरकारी पुलिया

दोन क्षेत्र के वन विभाग द्वारा बनावल जात एगो पुलिया पहिलके बरखा में ढह गइल. दोन क्षेत्र के चंपापुर, वनवारी का लगे एगो बरसाती नाला पर पुलिया बनावल जात रहुवे जवना पर बरखा के मौसम का चलते काम रोक दिहल गइल रहे. अब ऊ पुलिया बरखा से आधा ढह गइल बा.

Older Posts›› ‹‹Newer Posts