बलिया में आजु महाबीरी झंडा

साल १९१० में शुरू भइल महाबीरी झंडा के कार्यक्रम आजु बलिया में होखे वाला बा. हर साल रक्षाबंधन का दिने निकले वाला एह जुलूस में शहर के नौ गो अखाड़ा शामिल होलें. आजु पुलिस प्रशासन एह जुलुस के सही सलामत निकले देबे खातिर पूरा तइयारी कइले बिया. बिसुनीपुर मस्जिद का लगे सुरक्षा व्यवस्था पूरा कड़ा बा. हर साल का तरह मस्जिद के चारो तरफ बल्ली गाड़ के घेराबंदी कर लिहल गइल बा. हर अखाड़ा के जुलूस का साथे पर्याप्त संख्या में पुलिस के जवान लागल रहीहें.