Go to ...
RSS Feed

चौरासी कोसी परि्क्रमा खातिर विहिप आ सरकार का बीच टक्कर


यूपी सरकार हिंदू साधु संतन के निकले वाला अयोध्या के चौरासी कोसी परिक्रमा पर रोक लगा दिहलसि. एह रोक के हटावे खातिर हाईकोर्ट मे लगावल गोहारो कवनो कामे ना आइल आ कोर्ट एह रोक के हटवावे से मना कर दिहलसि. बाकिर सब कुछ का बावजूद विहिप अड़ल बिया परिक्रमा निकाले खातिर. एह चलते यूपी पुलिस अयोध्या आ परिक्रमा के रास्ता में पड़े वाला जिलन में सुरक्षा के कड़ा बंदोबस्त कइले बिया. फे बीस साल पुरान उहे माहौल बनत लागत बा जब मुलायम सिहं कहले रहन कि अयोध्या में कवनो परिंदो पर ना मार पाई. अब सभकर नजर एह बात पर टिकल बा कि अतवार का दिने का होखत बा.

वइसे आम राय इहे बा कि अपना वोट बैंक के दबाव में सपा एह परिक्रमा के निकले ना दी आ विहिप पूरा जोर लगाई कि कवनो सूरत में परिक्रमा के कार्यक्रम सफल होखे. जहाँ ले एह घटना के राजनीतिक फायदा उठावे के बात बा त विहिप अपना समर्थक समुदाय के एह सच्चाई के जता दिहलसि कि एह देश में हिंदूवन के हर कदम पर समझौता करे खातिर मजबूर होखे के पड़ी अगर लोग एकमत होके हिंदू समर्थक पार्टी के सरकार ना बनवाई. दोसरा तरफ सपो अपना मकसद में सफल लागत बिया आ पिछला दिने नाराज चलत वोट बैंक अब फेर ओकरा पीछे जुटल लउके लागल बा.

Tags: ,

More Stories From उत्तर प्रदेश

%d bloggers like this: