Go to ...
RSS Feed

लोकसभा उपचुनाव में कर्नाटक के दुनु सीट जीत लिहलसि कांग्रेस


कर्नाटक में भइल दू गो लोकसभा सीट खातिर भइल उपचुनाव में कांग्रेस जनता दल सेकुलर के हरा दिहलसि. भाजपा आ येदियुरप्पा के पार्टी एह चुनाव में आपन उमेदवार ना दिहले रहुवे आ घुमा फिरा के जनता दल सेकुलर के समर्थन दिहले रहुवे. एह चुनाव में कुमारस्वामी के पत्नी आ प्रधानमंत्री रहल देवगोडा के पतोहु चुनाव हार गइली. एह हार का बाद कुमारस्वामी विधानसभा में नेता प्रतिपक्ष पद से इस्तीफा दे दिहलन. दोसरा तरफ मुख्यमंत्री सिद्धारमैया खुशी जतवले कि जनता भाजपा आ येदियरप्पा के पार्टी से गठजोड़ करे वाली जदएस के हरा दिहलसि.

बेंगलूर ग्रामीण सीट पर कांग्रेस के प्रदेश अध्यक्ष डीके शिवकुमार के भाई डीके सुरेश मुख्यमंत्री रहल कुमारस्वामी के पत्नी अनीता कुमारस्वामी के एक लाख सैंतीस हजार वोट से हरा दिहले जबकि पिछला चुनाव में कुमारस्वामी एह सीट पर एक लाख तीन हजार वोट से जीतल रहुवन.

मंड्या सीट से कांग्रेस प्रत्याशी आ फिलिम अभिनेत्री राम्या जदएस प्रत्याशी सीएस पुंट्टाराजू को सड़सठ हजार वोट से अधिका से हरवली

Tags: , , ,

More Stories From TatkaKhabar

%d bloggers like this: