Go to ...
RSS Feed

भटकल के दिल्ली ले जाइल गइल


बिहार से गिरफ्तार कुख्यात आतंकी आ इंडियन मुजाहिदीन के सह संस्थापक यासिन भटकल आ ओकरा एगो साथी आजमगढ़ के असदुल्लाह अख्तर के बियफे का दिने बिहार नेपाल का बोर्डर से गिरफ्तार कर लिहल गइल. बाकिर पता ना कवना कारण से बिहार पुलिस भटकल के अपना रिमाड पर ना लिहलसि आ ओकरा से कवनो तरह के पूछताछ ना कइलसि जबकि ओकरा पर बोधगया में बम विस्फोट करावे के संदेह बा. बाद में शुका का दिने एनआइए ओकरा के एगो स्पेशल विमान से दिल्ली ले के चल गइल. देश के बारह गो राज्य के पुलिस ओकरा के रिमांड पर लिहल चाहत बिया काहे कि देश मे अनेके बम विस्फोट के जिम्मेदारी ओकरे पर लगावल जात बा. हालांकि जब दुनु के पटियाला कोर्ट में हाजिर करावल गइल त दुनु अपना के दोसर आदमी बतवले. अब पुलिस के साबित करे के पड़ी कि यासिन भटकल आ असदुल्ला इहे हउवन स.

ओने अपना मुस्लिम राजनीति का चलते सपा के नेता फारुकी कहले बाड़न कि पुलिस के चाही कि ई बढ़िया से तय कर लेव कि एहलोग के अपराध का चलते पकड़ल गइल बा मजहब का चलते ना. फारुकी के एह बयान के कांग्रेस आ भाजपा दुनु निंदा कइले बाड़ी सँ.

यासिन का बारे में बतावल जात बा कि आजमगढ़ मोड्यूल के खतम भइला का बाद ऊ दरभंगा माड्यूल के सक्रिय कर दिहले रहुवे. पिछला कई साल से यासिन दरभंगा में आयुर्वेदिक डाक्टर बन के रहत रहुवे.

Tags: ,

More Stories From उत्तर प्रदेश

%d bloggers like this: