मंगल के साँझ दौलौ रेल क्रासिंग का लगे से तीन गो शातिर बदमाशन के पुलिस पकड़ लिहलसि. एहनी पर कई गो सराफा लूट कांड करे के आरोप बा. ई बदमाश रसड़ा, नगरा, आ भीमपुरा इलाका में सर्राफा व्यापरियन के लूटत रहले. तीनो एके बाइक पर सवार रहलें. पुलिस के देखत भागे लगले त पुलिस के संदेह भइल आ पुलिस चहेट के एकनी के पकड़ लिहलसि. एह बदमाशन के नाम पता तारपुर कोपागंज के राम प्रताप सिंह, रसीदा आजमगढ़ के राम शब्द यादव, आ सवरा रसड़ा के राकेश सिंह बतावल जात बा. एकनी का लगे से लूट के सामान आ असलहा बरामद भइल बा.
एह बदमाशन के गिरफ्तार करे वाला पुलिस बल के एसपी का तरफ से दस हजार रुपिया इनाम देबे के एलान भइल बा
