Go to ...
RSS Feed

आडवाणी का बहाने फेरू मोदी पर हमला कइले नीतीश कुमार


बिहार के मुख्यमंत्री आ जदयू.नेता नीतीश कुमार वरिष्ठ भाजपा.नेता लालकृष्ण आडवाणी लेके नरेन्द्र मोदी पर एक बेर फेरु हमला करत कहले बाड़ें कि मोदी गांव गांव जाके लौह पुरूष सरदार वल्लभ भाई पटेल के प्रतिमा ला लोहा मांगत बाड़े बाकिर अपने पार्टी के लौह पुरूष .आडवाणी.के जंग लागे खातिर छोड़ देले बाड़े.

पटना में जनता दरबार का बाद संवाददाता सम्मेलन में नीतीश कुमार कहलन कि नरेन्द्र मोदी के पीएम उम्मीदवार बना के भाजपा भलही अपना घर मे जश्न मनावत बिया बाकिर ऊ जनता से दूर हो गइल बिया आ एह फैसला के कवनो लाभ भाजपा के नइखे मिले जात.

नीतीश कुमार के कहना रहे कि उनुका त पहिलही एहसास हो गइल रहे कि भाजपा अलग रास्ता चुन सकेले एहीसे ऊ तीन महीना पहिलही ओकरा से नाता तूड़ लिहलें. देश मे भ्रष्टाचार आ महंगाई का खिलार माहौल के भाजपा अलग रास्ता चुनके खतम कर दिहलसि. कहलन कि मुख्य विपक्षी दल होखला क नाते भाजपा के सगरी विपक्ष के एकजुट करे के कोशिश करे के चाहत रहे.

नीतीश इहो कहलन कि कांग्रेस का संगे कवनो तरह के चुनावी तालमेला का बारे में ना त सोचल गइल बा ना पार्टी का सोझा ई कवनो मुद्दा बा.
बिहार के विशेष राज्य के दर्जा मिल जाव त ऊ आगे बात करे का स्थिति में होखीहें लेकिन अबहीं मिलल नइखे विशेष दर्जा.
(वार्ता)

Tags: ,

2 Responses “आडवाणी का बहाने फेरू मोदी पर हमला कइले नीतीश कुमार”

  1. NEEMAN SINGH
    September 17, 2013 at 7:45 am

    नितीश के नरेन्द्र मोदी के बारे में बोले के कौनो अधिकार नईखे .सूरज पर थुकेवाला के थूक ओकरे मुह पर गिरेला .

  2. NEEMAN SINGH
    September 17, 2013 at 7:52 am

    नितेश भीख के कटोरा लेके कांग्रेस के दरवाजा पर खड़ा होके अनर्गल प्रलाप करत बाड़े ताकि भीख मिल जाव.
    उनका अपना पर इ बिश्वास नईखे की बिहार के जनता काम कर के आपन हालत सुधार सकेला .
    बिहार के जनता काम करेवाला ह ओकरा के भीख पर निर्भर रहे के मत सिखाव ये भिख्मंगु .ओकराके कम के अवसर द.

More Stories From बिहार

%d bloggers like this: