Go to ...
RSS Feed

मगध एक्सप्रेस ट्रेन के एसी बोगी मे आग लगला से अफरातफरी


बिहार मे पूर्व मध्य रेलवे के दानापुर मुगलसराय रेलखंड पर चौसा स्टेशन का नियरा काल्हु दिल्ली से पटना आवत मगध एक्सप्रेस ट्रेन के एगो वातानुकूलित डिब्बा मे आग लाग गइल. मुगलसराय टीसन से खुलते ट्रेन के यात्री एसी फर्स्ट कोच से धुंआ निकलत देखलें आ ओह लोग के हल्ला कइला का बाद ट्रेन के कर्मनासा नदी का बाद चौसा टीसन पर रोकल गइल. ट्रेन रुकते सवारियन में अफरातफरी मच गइल. कूछ लोग आपन सामान बचा लिहल जब कि कुछ लोग के सामान डिब्बा में जर गइल. बाकी ट्रेन से एह डिब्बा के अलग कर दिहल गइल आ डिब्बा पूरा तरह से जर गइल.

एह घटना में केहू के घाहिल होखे भा मरे के खबर नइखे, हँ कुछ लोग के सामान जरूर जर के बरबाद हो गइल.

आग कइसे लागल एकर जाँच शुरू कर दिहल गइल बा.
(वार्ता)

Tags: ,

More Stories From बिहार

%d bloggers like this: