Go to ...
RSS Feed

दू गाड़ी में राखल चार ड्रम स्प्रीट का साथ दू आदमी गिरफ्तार


सोमार का दिने आजमगढ जिला के मुबारकपुर इलाका में खुफिया जानकारी का आधार पर पुलिस दू गाड़ियन से चार गो ड्रम में राखल 1200 लीटर रेक्टीफाइड स्प्रिट बरामद कइलसि. एह मामिला में दू जने के गिरफ्तारो कर लिहलसि पुलिस.
पुलिस अधीक्षक अरविन्द सेन बतवले कि खुफिया जानकारी का बाद जब सठियांव रेलवे क्रासिंग का लगे चेकिंग कइल जात रहे तब पुलिसे पर गोली चलावत दू गो गाड़ी भागे लगली स. पुलिस घेराबंदी क के दुनु गाड़ियन के ध लिहलसि आ दू गो अपराधियन के पकड़ लिहलसि. दू गो अउर अपराधी भाग निकलले. गिरफ्तार आरोपियन के नाम जयराम यादव आ सुनील राम हवे.
पुलिस के कहना बा कि गिरफतार आरोपी ढेर दिन से वाराणसी एयरपोर्ट का लगे जौनपुर के रास्ते पूर्वांचल के कई जिलन में रेक्ट्रीफाइड स्प्रिट के नाजायज सप्लाई करत रहले.
(वार्ता)

Tags: , ,

More Stories From अपराध

%d bloggers like this: