मोतिहारी 23 अक्टूबर (वार्ता) बिहार मे पूर्वी चंपारण जिला के लखौरा इलाका के भोपत मठिया गांव का नियरा काल्हु रात कुछ अपराधी एगो खेतिहर के गोली मार के हत्या कर दिहले.
पुलिस के कहना बा कि भोपत मठिया गांव के धनी किसान पैंतालिस साल के रामाकांत राय धान कटवा के रात में घरे लवटत रहले जब पहिले से घात लगवले बदमाश उनुका के गोली मार दिहले. एह घटना मे रामाकांत राय के मौत ठाँवे प हो गइल. पुलिस के कहना बा कि हत्या के एगो मामिला में रामाकांत राय के बेटा मुकेश कुमार गवाही दिहले रहुवे आ एही से नाराज अपराधी उनका बाप के हत्या क दिहले.
एह सिलसिला मे मृतक के बेटा मुकेश कुमार के बयान पर गांवे के पांच जने पर नामजद प्राथमिकी दर्ज भइल बा. सगरी आरोपी फरार बतावल जात बाड़े,
235 total views, 5 views today