औरंगाबाद में पुलिस फायरिंग से दू जने के मौत
July 19, 2014
बिहार के औरंगाबाद में शनिचर का दिने मदनपुर में जुलूस निकाल के विरोध जतावत लोग के काबू करेला पुलिस गोली चलवलसि जवना में एगो औरत आ एगो आदमी के मौत हो गइल. गाँव वाले एहला विरोध करत रहलन कि आए दिन सर्च अभियान का नाम पर पुलिस तंग करेले.
पुलिस के कहना बा कि जुलूस निकाल के विरोध जतावत लोग एगो सरकारी गाड़ी में आग लगा दिहल आ पुलिस वाले आपन जान बचावे खातिर फायरिंग करे ला मजबूर हो गइलें.
