फालोआन से त जान छूटल बाकिर हारे से बाॅचो तब नू

साउथेम्‍प्‍टन में होखत भारत इंगलैण्ड का बीच तिसरका टेस्‍ट मैच में इंग्‍लैंड आपन दुसरका पारी चार विकेट गॅवा के 205 रन बना के घोषित क दिहलसि आ भारत के जीते ला एगो बड़हन निशान 445 रन के दे दिहलसि. भारत अपना पहिलका पारी में तीन सौ तीसे रन बना पवलसि बाकिर इंगलैण्ड ओकरा के फालोआन खेलावे से इन्कार क दिहलसि. अब भारत के हारे के पूरा अनेसा बन गइल बा. पहिलका टेस्ट ड्रा भइल रहे आ दुसरका में भारत जीतल रहे.