डाँट का डर से जहर खा के जान दिहलसि

सिवना जिला के महोदीपुर में सोरह साल के एगो लड़िका घर वालन से डाँट मिले का डर से जहर खा के जान दे दिहलसि.
बियफे रात के उ अपना घर के टेम्पू ले के सिवान गइल रहे जहाँ गश्ती पुलिस ओकरा के पकड़ लिहलसि आ टेम्पू के थाना ले के चल गइल. राजन घरवालन का डाँट का डर से घरे ना लवटल आ जहर खा लिहलसि. एह बात के जानकारी मिलते पुलिस टेम्पू छोड़ दिहलसि बाकिर तब ले त राजन के जान चल गइल रहे. बाद में ओही टेम्पू से पुलिस राजन के लाश ले के सदर अस्पतला चहुँपल.