यूपी शिक्षा सेवा चयन बोर्ड में डा॰ परशुराम पाल के अध्यक्ष बनावल गइल

उप्र माध्यमिक शिक्षा सेवा चयन बोर्ड के कार्यवाहक अध्यक्ष डा. आशाराम के गलत सलत काम से परेशान हो के सरकार उनुका के हटा के लखनऊ विश्वविद्यालय के हिंदी विभाग के एसोसिएट प्रोफेसर डा.परशुराम पाल के पूरा समय वाला अध्यक्ष बना दिहलसि. एह बाबत शासनादेश जारी हो गइल बा.

पिछला अध्यक्ष डा. देवकी नंदन शर्मा के मरला का बाद बोर्ड के वरिष्ठतम सदस्य डा.आशाराम के कामचलावे वाला अध्यक्ष बनावल गइल रहे बाकिर उ सगरी नियम कायदा ताखा पर राखत प्रध्यापकन के बहाली ला साक्षात्कार करावे लगली. चयन बोर्ड में एकरा खिलाफ आवाज उठावल गइल त आशाराम ओह लोग के दरकिनार क दिहली इहे सब विवाद का चलते सरकार नया अध्यक्ष बहाल क दिहलसि.