सिवान में जन्माष्टमी का दिन से शुरू होखे वाला महाबीरी जुलूसन खातिर जिला पुलिस पूरा तरह से चउकस बिया. बतावत बिया कि शहर में निकले वाला जुलूस पर सीसीटीवी से नजर राखल जाई आ कवनो तरह के बवाल करे वालन पर कड़ेर कार्रवाई कइल जाई. एह जुलूसन में डीजे आ आर्केस्ट्रा पर पूरा तरह से रोक रही. पुलिस खास क के ओह जगहन पर बेसी धेयान देत बिया जहाँ पहिले कबो बवाल होखल बा. डीएम के आदेश बा कि हर जुलूस के टाइम आ रूट पहिले से तय क दिल जाव आ बिना अनुमति कवनो अखाड़ा के जुलूस मत निकाले दिहल जाव.
