बलिया में किसानन के फसल के बीमा करे खातिर सरकार से नामित कंपनी बीमा करे ला तइयार नइखे. बलिया खातिर सरकार इफको-टोकिया कंपनी के नामित कइले बिया. एह योजना में कर्जा ले के खेती करे वाला किसानन से बीमा प्रीमियम ले के सरकार ओह कंपनी के देले आ फसल के नुकसान होखला पर बीमा कंपनी हरजाना देले. मामिला तब सामने आइल जब बैंक सालाना प्रीमियम के डेढ़ करोड़ रुपिया के चेक कंपनी के भेजले त कंपनी लेबे से इंकार क दिहलसि. शायद ओकरा अनेसा बा कि एहिजा के खेती के बीमा कइल खतरा से खाली नइखे.
जान जाईं कि बलिया में स्वास्थ्य बीमा योजनो के काम ठप्प पड़ल बा जबकि अगल बगल के जिलन में काम चालू बा.

Tags: किसान, फसल बीमा, बलिया