खैराट पुल का नियरा सड़क धंसल

देवरिया जिला के भाटपार रानी-घांटी रोढ प खैराट पुल का नियरा सड़क धँस गइल बा. बरखा आ जल जमाव का चलते भइल एह नुकसान से घांटी के रास्ते भटनी जाए के रास्ता दुर्गम बन गइल बा.

जिला मे घाघरा आ राप्ती के उफनइला का चलते विशुनपुर देवार, भदिला प्रथम, आ धनया उर्फ कुंद महाल बाढ़ का पानी से घेरा गइल बा. परसिया कुढ़ मे घाघरा के कहर बरपत बा. राम जानकी रोढ आ नुरुल्लाहपुर बंधा पर पानी के दबाव बढ़ गइल बा.

गोर्रा नदी खतरा का निशान से करीब चालीस से॰ मी॰ नीचे बहत बिया बाकिर पानी बढ़ल जारी बा. एह चलते कछार के दू लाख लोग के जान साँसत मे पड़ल बा.