पुलिस के मार से भागत लड़िका मरला का बाद बलिया में बवाल

बलिया के विजईपुर मुहल्ला में आजु सबेरे कुछ जुआड़ियन के पुलिस घेर के मारे लागल त जुआड़ी भाग निकलले सँ. बाद में एगो घवाहिल लड़िका के लाश कटहर नाला में मिलला का बाद से जनता खिसिया के जगदीशपुर चौराहा जाम क देले बिया. पुलिस प्रशासन मामिला सलटावे में लागल बावे. चौराहा पर पुलिस पूरा ताकत से आ एंबुलेंस अउर दमकल के गाड़ी ले के खड़ा बावे आ लोग के समुझावे बुझावे में लागल बा.