Go to ...
RSS Feed

टटका खबर : 25 सितंबर 2014, बियफे


बिहार आ यूपी के खबर –

  • कुशीनगर जिला के हाता इलाका में भइल एगो कांस्टेबल के मौत का बाद ओकर परिजन गोरखपुर के गुलहरिआ इलाका में जाम लगवलन.
  • उत्तर प्रदेश कांग्रेस के कुछ बड़का नेता 28 सितम्बर के होखे वाला पार्टी के चिन्तन शिविर में शामिल ना होखे के फैसला कइले.
  • सिवान जिला के भगवानपुर हाट से पुलिस तीन गो अपराधियन के असलहा समेत गिरफ्तार कर लिहलसि. एकनी प पिछला दिने पेट्रोल पंप पर भइल लूट में शामिल रहे के शक बा.
  • भोजपुर जिला में दू गो ट्रक के आमने सामने टक्कर से एगो ट्रक के ड्राइवर के ठाँवे पर मौत हो गइल.
  • जौनपुर में मेडिकल काॅलेज के शिलान्यास कइला का बाद मुख्यमंत्री अखिलेश सिंह यादव बतवलन कि अगिला साल से पूर्वांचल विकास निधि के दुगुना क दिहल जाई.
  • भाजपा माँग कइलसि कि मुगलसराय जंक्शन के नामकरण पं. दीनदयाल उपाध्याय के नाम पर कर दिहल जाव. उनकर एही जंक्शन पर संदेहजनक हालात में मौत भइल रहुवे.
  • इलाहाबाद उच्च न्यायालय भदोही से समाजवादी विधायक विजय कुमार मिश्रा के हत्या के मामला पर फेर से विचार करे के निहोरा नकार दिहलसि.
  • विन्ध्याचल मेला में जगहे जगह सी.सी. कैमरा लगावल गइल बा आ दर्शन करे आवे वाला लोग के चेकिंग कइल जात बा.
  • मिर्जापुर के विंध्याचल में नवरात का मौका पर लागे वाला मेला शुरू हो गइल बा. 14 वर्गकिलोमीटर इलाका में पसरल मेला क्षेत्र खचाखच भर गइल बा आ लोग त्रिकोण यन्त्र महालक्ष्मी. महाकाली अउर महासरस्वती के परिक्रमा करत बाड़े.
  • मशहूर अभिनेत्री जूही चावला काल्हु रात दशाश्वमेध घाट पर गंगा आरती देख के गदगद हो गइली बाकिर बनारस के घाटन पर पसरल गंदगी देखि के उनकर मूड खराब हो गइल.
  • इलाहाबाद उच्च न्यायालय के लखनऊ पीठ सवाल पूछले बिया कि अल्पसंख्यक कल्याण मंत्री मोहम्मद आजम खां लाभ के दू गो पद पर कइसे काबिज बाड़न.
  • बिहार के सतर्कता अन्वेषण ब्यूरो आज बगहा अंचल-2 के राजस्व कर्मी रामेश्वर साह के घूस लेत रंगे हाथ ध लिहलसि.
  • हाल के उपचुनावन में मिलल जीत का बाद उत्तर प्रदेश के अखिलेश सरकार के मंत्रिमंडल विस्तार के अटकल तेज हो चलल बा.
  • पटना के मालसलामी इलाका के पीरदमरिया घाट का लगे गंगा नदी में आजु दू गो लड़िका डूब के मर गइले.
  • पड़ोसी देश नेपाल से सटल बेतिया के इनरवा इलाका से सशस्त्र सीमा बल बियफे का भोर में एगो तस्कर के चाढ़े चार किलो चरस का साथे गिरफतार कइले.
  • उत्तर प्रदेश के बरेली जिला में प्रशासन चीनी मिलन के चेतवलसि कि डेढ महीने में गन्ना किसानन के बकाया भुगतान क देव लोग ना त मिल जब्त क लिहल जाई.

आरा, बलिया, छपरा, देवरिया, सिवान, गोपालगंज. सासाराम, रोहतास, बक्सर, कैमूर, पूर्वी चंपारण, पश्चिमी चंपारण, गाजीपुर, मऊ, गोरखपुर, चंदौली, भदोही, वाराणसी, मोतिहारी, बेतिया, जौनपुर वगैरह भोजपुरिया इलाका के खबर भोजपुरी में.


टटको में टटका आज के खबर पढ़ीं…..

Tags: , , , , , , , , , , , , , , , , , , , , , , , ,

More Stories From उत्तर प्रदेश

%d bloggers like this: