web analytics

मूर्ति भसावन ले के पुलिसिया जबरदस्ती का खिलाफ बवाल

दुर्गापूजा का बाद मूर्ति भसावे का दौरान छपरा पुलिस के गलत बेवहार का चलते छपरा शहर में बवाल हो गइल आ जगहे जगह पुलिस जम के लाठी चलवलसि आ खिसियाइल लोग तोड़फोड़ आ आगजनी कइल.

टेलीफोन एक्सचेंज का परिसर में खड़ा छह गो चारपहिया वाहन आ एगो जेनरेटर के जरा दिहल लोग. साहेबगंज चौक पर नगर परिषद के जेसीबी आ बगल में खड़ा ट्रैक्टर आ ट्रालीओ के आग लगा दिहल गइल.

बकरीद का नाम पर पुलिस लोग के जल्दी से मूर्ति भसावे खातिर हड़कवलसि. आ चार बजे बाद रोक दिहलसि कि नमाज के समय हो गइल बा अब भसावन ना होखी. डीजे जब्त क लिहलसि आ बाद में मूर्ति ले जा के राजेन्द्र सरोवर में भसा दिहलसि.

पुलिस के एह बेवहार से आम जनता में बहुते नाराजगी बा.

 155 total views,  5 views today

%d bloggers like this: