Go to ...

टटका खबर

Online Bhojpuri Newspaper

भोजपुरी के बढ़ाईं, टटका खबर पर विज्ञापन दीं.

अधिका जानकारी ला  editor@anjoria.com  के मेल करीं.

RSS Feed

टटका खबर : 26 अक्टूबर 2014, अतवार


पटना में छठ घाट के निरीक्षण करे निकलल मुख्यमंत्री के दल.

पटना में छठ घाट के निरीक्षण करे निकलल मुख्यमंत्री के दल.

  • छठ पर्व देखत निर्वाचन आयोग झारखंड विधानसभा चुनाव के पहिला दौर के अधिसूचना 28 अक्‍टूबर के जारी करी. पहिले एकर तारीख 29 अक्‍टूबर बतावल गइल रहे. अउरी कवनो तारीख में बदलाव नइखे भइल.
  • दर्जा मिलल मंत्रियन के बर्खास्तगी के बाद अब यूपी सरकार के गाज ओकरा वकीलन प गिर सकेला जे लोग जिरह का दौरान सरकार के पक्ष मजबूती से ना राख सकल. करीब दू सौ अधिवक्ता लोग के सरकारी पैनल से बाहर क दिहल जाई.
  • मऊ में काल्हु पुलिस मुठभेड़ क के दू गो शातिर बदमाशन के गिरफ्तार कइलसि आ ओकनी का लगे से दू गो लूटल मोटरसाइकिल आ रुपिया बरामद कइलसि.
  • गोरखपुर के गगहा इलाका के रेवार गांव में बंधा पर आजु एगो नवही के लाश मिलल. लाश के पहिचान नइखे भइल.
  • बलिया में बिजली के करंट लगला से एगो मजदूर के आजु मौत हो गइल.
  • औरंगाबाद जिला के ऐतिहासिक धार्मिक सांस्कृतिक आ पौराणिक जगहा देव में कार्तिक छठ के मौका पर लागे वाला चार दिन के मेला काल्हु सोमार से शुरू होखी. छठ के ई सबले पुरान मेला हवे.
  • गोपालगंज के मीरगंज इलाका के सियारी मठिया गाँव में एगो कपड़ा व्यवसायी से अठारह लाख रुपिया लूट लिहल गइल. पुलिस के कहना बा कि उ व्यापारी तगादा वसूली क के आटो रिक्शा से लवटत रहुवे जब पहिले से घात लगा के बइठल अपराधी ओकरा पर हमला क के रुपिया छीन ले गइले.
  • बिहार भाजपा काल्हु 27 अक्टूबर के आतंकवाद विरोधी दिवस मनाई. पिछला साल एही दिने पटना का गाँधी मैदान में भाजपा के हुंकार रैली का दौरान बमन फोड़ल गइल रहे जवना से छह लोग के जान चल गइल रहे.
  • जौनपुर के शेरवां में होखत आझू राय स्मारक दंगल प्रतियोगिता में पहलवान मंगला के बेटा निगम मुगलसराय के पहलवान आ उत्तर प्रदेश केशरी दिग्विजय सिंह के भाई आदित्य पहलवान के पटखनी दे दिहलन.

Tags: , , , , , , , , , , , , , , , , , , , , ,

More Stories From उत्तर प्रदेश

%d bloggers like this: