Go to ...
RSS Feed

मेला देखे गइल नवही के गरदन रेत के मार डालल गइल


सारण जिला के रिविलगंज इलाका के औली गाछी गाँव के एगो पचीस बरीस के नवही बबलू राय के पिछला नवमी के रात्रि गरदन रेत के मुआ दीहल गइल. ई अपराध करिंगा मठिया गांव का लगे भइल आ कुछ बदमाश एह वारदात के अंजाम दिहलें बाकिर ओहनी के पहचान पता नइखे चलल. घटना के जानकारी मिलला का बाद लोग सड़क जाम कर दीहल जवना के बहुते मुश्किल से समुझा बुझा के पुलिस कप्तान सत्यवीर सिंह हटवलन.
बबलू राय छपरा में भगवान बाजार इलाका के मालखाना चौक पर नर्सिंग होम चलावत रहले. पुलिस एह हत्या के पीछे के कारण पता लगावे में जुटल बिया आ जानल चाहत बिया कि नर्सिंग होम में बबलू के पार्टनर पप्पू आ टुनटुन से संबंध कइसन रहल. हो सकेला कि एही लोग के आपसी झगड़ा में हत्या कइल गइल होखे. एगो दोसर संभावना इहो बा कि कवनो इश्कबाजी के मामला होखो.

Tags: , ,

More Stories From अपराध

%d bloggers like this: