Go to ...
RSS Feed

बिहार चुनाव के एक्जिट पोलो में भरम बरकरार रह गइल


आजु बिहार विधानसभा चुनाव के पाँचवा आखिरी दौर के वोटिंग में रिकार्ड 60 फीसदी वोट पड़ला का बाद टीवी चैनलन पर अलग अलग एजेन्सियन के कइल एक्जिट पोल देखावल गइल. केहु एनडीए के बहुमत देत बा त केहू महागठबन्हन के आ बाकी लोग कांटा के टक्कर बतावत बा. दुनू गोल के लोग आपन आपन जीत के दावा करत बाड़ें. लालू के कहना रहल कि अगड़ी जाति के लोग मेहरा गइल आ वोट देबे ना निकलल जवना से उनकर महागठबन्हन 190 सीट ले जीत सकेला. दोसरा तरफ टूडेज चाणक्या के पोल के दावा बा कि एह चुनाव में एनडीए के बड़हन बहुमत मिले जात बा आ महागठबन्हन के कम बेसी 89 सीट मिले वाला बा. सब छँवड़ी झूमर पाड़े त लंगड़ी कहे हमहूं वाला अन्दाज में बँवरो गोल के दावा बा कि ओकर गठबन्हन शानदार वापसी करे जा रहल बा बिहार के राजनीति में.

चुनाव आयोग अब वोट गिने के काम के तइयारी शुरू क दिहले बावे. 8 नवंबर के भोर 8 बजे से वोट गिने के काम शुरु हो जाई. एह ला राज्य भर मे 39 गो गिनिती केन्द्र बनावल गइल बा. सहरसा जिला में दू गो मतगणना केन्द्र बनावल गइल बा जबकि बाकी जिलन में एकहएक गो.

बिहार चुनाव : एक्जिट पोल – एक नजर में

सर्वे एनडीए महागठबन्हन बाकी सब
न्यूज नेशन 122 117 4
इंडिया टुडे-सिसेरो 101-120 112-132 6
आइबीएन सेवन-एक्सिस 95 135
न्यूज एक्स-सीएनएक्स 90-100 130-140 13-23
इंडिया टीवी-सी वोटर 101-121 112-132 6-14
इंडिया टुडे-चाणक्या 155 83 5
एवीपी-नीलसन 108 130 5
टाइम्स नाऊ-इंडिया टीवी 111 122 10
टुडेज चाणक्या-न्यूज 24 155 83 5
दैनिक जागरण 130 97 16

Tags: ,

More Stories From चुनाव

%d bloggers like this: