web analytics

मंहगाई के आग पर पेट्रोल के छींटा

काल्हु बहुते कुछ एलान केन्द्र सरकार का तरफ से भइल जवना से देश में महँगाई बढ़े के अनेसा हो जाई. आ एह आग पर अब पेट्रोल आ डीजलो के छींटा मार दीहल गइल बा.
शुक अधरतिया से पेट्रोल पर 1.60 रुपिया आ डीजल पर 40 पइसा के उत्पाद कर बढ़ा के केन्द्र सरकार अपना खजाना में करीब 4000 करोड़ रुपिया बटोरे के इरादा रखले बिया. पिछला एक बरीस में पाँचवा बेर उत्पाद कर बढ़ावल गइल बा पेट्रोलियम उत्पाद पर आ अब हर लीटर पेट्रोल पर सरकारी लेवी 19.06 रुपिया हो गइल बा. सरकार जानत बिया कि तेल के दाम हमेशा अइसने ना रह पाई आ एहसे मौका देख के अतना बटोर लीहल जाव जेहसे आगे चल के दाम बेसी मत बढ़ावे के पड़े. दोसरे अगिला चुनावो में अबहीं करीब आठ दस महीना के देरी बा तबले जनता के नाराजगी झेलल जा सकेला.
सुने में इहो आवत बा कि सरकार रसोई गैस पर मिले वाला आम सब्सिडी खतम करे जात बिया आ अधिका आमदनी वाला लोग के सब्सिडी ना दीहल जाई.

 186 total views,  5 views today

%d bloggers like this: