बिहार से तस्करन के पीछा करत भारत के सशस्त्र सीमा बल के तेरह गो जवान अतवार का भोर में नेपाल के सिवान पार क गइलें त ओहनी के नेपाल के सशस्त्र प्रहरी गिरफ्तार कर लिहलसि बाकिर दिन भर रखला का बाद साँझ बेरा रिहो क दिहलसि.
ई घटना दू देश के बीच के मामिला होखला का चलते खलबली मच गइल आ दुनू तरफ के अधिकारी एह मामिला के समय रहते सझुरा लिहलें आ बात बिगड़े ना दीहल गइल.
बतावल जात बा कि तस्कर नेपाल सीमा में घुस के खुटामनी गांव के एगो घर में लुका गइलें. एसएसबी के दू गो जवान ओहिजा चहुँपले त मकान मालिक हल्ला मचा दिहलसि आ नेपाल सशस्त्र प्रहरी आ के दुनू के गिरफ्तार कर लिहलसि. एह लोग के छोड़ावे चहुँपल एगारह गो अउरी एसएसबी जवानन के ध लिहलसि नेपाल सशस्त्र प्रहरी.
खैर साँझ बेरा सगरी जवानन के छोड़ दीहल गइल बाकिर तस्कर बाच निकलल.
440 total views, 5 views today