गोपालगंज के जिलाधिकारी राहुल सिंह बरौली प्रखंड के कल्याणपुर मध्य विद्यालय के प्रधानाध्यापिका पुष्पा राय के निलंबित करे के आदेश जारी क दिहले बाड़न. पुष्पा राय पर आरोप बा कि स्कूल में मिड डे मील बनावे के काम एगो विधवा के हाथ से होखे के गाँव वालन के विरोध से निपटे में ऊ उदासीन रवैया देखवली आ एह विरोध के सलटावे में सक्रिय भूमिका ना देखवली. गाँव के लोग विद्यार्थियन के मिड डे मील खाए पर रोक लगा दिहले रहलें आ स्कूल में ताला मार दिहले रहलें.
बाद में जानकारी मिलल त जिलाधिकारी अपने चहुँपलन आ ओही विधवा के हाथ से बनल खाना स्कूल के सगरी विद्यार्थियन के साथ खा के विरोध खतम करवलन.
280 total views, 2 views today