पश्चिम चम्पारण जिले के बैरिया इलाका के बगही नाथ बाबा चौक का नियरा से एगो तस्कर के चार किलो चरस का साथे ध लिहलसि पुलिस. चरस के दाम एक करोड़ बतावल जात बा.
रोहतास जिला में अभियान चला के पुलिस 33 गो वारंटियन के गिरफ्तार करे में सफल हो गइल आ सात गो का घर पर कुर्की जब्ती कइलसि काहे कि ऊ धरा ना पइले सँ.
पश्चिम चंपारण जिला के कंगली इलाका के बसंतपुर गांव से एगो ईनामी अपराधी हरि यादव गिरफ्तार. ओकरा पर हत्या, अपहरण अउर डकैती के अनेके आरोप.
मोतिहारी के जीतना इलाका से एगो करिया हरीन के हत्या के मामिला उजागर भइल बा जवना में वन विभाग के चार गो कर्मचारियन के शामिल रहे के बात बतावल जात बा.
गोपालगंज जिला के नगर थाना इलाका के चैनपट्टी गांव का लगे कुछ बदमाश विधान पार्षद रहल सुनील सिंह के भाई से एक लाख रूपये लूट लिहले सँ आ उनुका के गोली मार के घवाहिल क दिहले सँ.
सिवान नगर इलाका के आनंदनगर मुहल्ला से चार गो अपराधियन के बैंक लूट के प्लान बनावत घरी पुलिस असलहा समेत गिरफ्तार क लिहलसि.

Tags: चम्पारण, मोतिहारी, सि‌वान