web analytics

यूपी से राज्यसभा सीट के चुनाव करावहीं के पड़ी

उत्तर प्रदेश से राज्यसभा के 11सीट के चुनाव में 12 जने के परचा सही मिलला आ कवनो नाम वापिस ना भइला से तय हो गइल कि अब वोटिंग करावहीं के पड़ी. कांग्रेस का टिकट पर उमीदवार बनल कपिल सिब्बल का सोझा विकट समस्या आ गइल बा काहे कि जितावा जोग वोट कांग्रेस का लगे नइखे आ दोसरा का वोटन को भरोसे कांग्रेस उनका के खड़ा करवले रहुवे. बाकिर एन मौका पर भाजपा के दांव कपिल के राह मुश्किल करा दिहलसि. वोटिंग 11 जून के करावल जाई अब.

अइसने हाल विधान परिषदो के चुनाव में बन गइल बा. 13 सीट खातिर 14 गो उमीदवारन के मैदान में बनल रहला का चलते ओकरो चुनाव 10 जून के करावल जाई.

 80 total views,  20 views today

%d bloggers like this: