Go to ...

टटका खबर

Online Bhojpuri Newspaper

RSS Feed

एनडीटीवी के मालिक का घर प सीबाआई के छापा



आजु सोमार का दिने सीबीआई एगो बैंक के करोड़ों के चूना लगा के आपन संपति बढावे का आरोप के जाँच का दौरान टीवी चैनल एनडीटीवी के मालिक प्रणय रॉय आ उनुका मेहरारु राधिका रॉय के घर प छापा मरलसि आ एह लोग को खिलाफ केस दर्ज क लिहलसि.

अपने कंपनी के शेयर हड़पे खातिर ई लोग पहिले इंडिया बुल्स से 439 करोड़ के करजा लीहल आ एह करजा के लवटावे खातिर आइसीआइसीआइ बैंक से 375 करोड़ रुपिया के करजा लीहल. बाद में बैंक के घाटा लगावत एह करजा का बदले महज 350 करोड़ रुपिया वापि. कइल. इहो रुपिया गलत सलत तरीका से जुटावे के आरोप बा एह लोगन प.

एह कार्रवाई प जनमत दू हिस्सा में बँट गइल बा. अधिका लोग एकर स्वागत कइले बा कि कानून के डर सभका होखे के चाहीं ऊ आदमी चाहे कतनो बेंवतगर काहे ना होखे. दोसरा तरफ मोदी विरोधी लोग एकरा के मीडिया प हमला बतावत बा. एह लोग के चाह बा कि मीडिया के सगरी कुकर्म के अनदेखी क देबे के चाहीं खास क के ओह मीडिया के जे मोदी के खिलाफ होखे.

Tags:

%d bloggers like this: