Go to ...

टटका खबर

Online Bhojpuri Newspaper

RSS Feed

टटका खबर, 22 अक्टूबर 2017, अतवार


बंगला देश के ढाका में हो रहल एशिया कप हॉकी टूर्नामेंट के मैच में भारत के टीम पाकिस्तान के चार गोल से हरा दिहलें. पाकिस्तान एकहू गोल ना कर पवलसि. अब मलेशिया आ कोरिया का बीच होखे वाला सेमीफाइनल जीते वाली टीम से भारत के मुकाबला फाइनल मैच में होखी.

गाजीपुर में काल्हु एगो पत्रकार आ संघ कार्यकर्ता राजोश मिश्र के गोली मार के खून क दीहल गइल. राजेश मिश्रा अपना दुकान में बइठल रहन जब मोटरासाइकिल से आइल तीन गो बदमाश उनुका प गोली झोंक गहले सँ. एह हमला में घवाहिल राजोश मिश्रा के भाई के गम्हीराह हालत में बनारस का एगो अस्पताल में इलाज खातिर भरती करावल गइल बा.

बिहार बोर्ड के मैट्रिक परीक्षा फगुआ से पहिले करा लीहल जाई. बोर्ड एलान कइलसि कि 21 फरवरी से 28 फरवरी ले दू पाली में सगरी इम्तिहाल करा लीहल जाई.

अफवाहन प धेयान मत दीं. रिजर्व बैंक साफ कह दिहलसि कि बैंक खाता के आधार नम्बर से जोड़ल जरुरी बा. एने हवा उटल रहुवे कि रिजर्व बैंक का तरफ से अइसन कवनो निर्देश जारी नइखे भइल कि खाता के आधार से जोड़ल जरुरी बा जवना का बाद रिजर्व बैंक बाकायदा सूचना जारी क दिहलसि.

एह सरकार से सबले अधिका परेशानी टेक्स चोरन के बा. देश के माहौल बिगाड़े में ई लोग पूरा ताकत लगा दिहले बा. अइसने टैक्स चोरी करे वाला एगो समूह हवे प्रोफेशनल के जे फीस त जम के लेलें बाकि ओकर रसीद देबे में आनाकानी करेलें. अब इन्कम टैक्स विभाग एह लोग प धेयान देबे के शुरुआत क दिहलै बावे. समय रहते चेत जाईं सभे. काहें कि सरकार के मानना बा कि गेहूं पीसाव त पिसाव, कवनो घुन बाचे के ना चाहीं.

बिहार में सिपाही बहाली खातिर होखे वाला लिखित परीक्षा आजु अतवार का दिने करावल जा रहल बा. इम्तिहान एक पाली में होखी.

बिहार सरकार बिहार के मेडिकल कॉलेजन में इमरजेन्सी के बेड बढ़ावे के फैसला कइले बिया. पीएमचीएच में 100 बढ़ावत गइल बा, आईजीआईएमएस में 50 बेड आ एनएमसीएच में 50 बेड बढ़ावल जाई. एही तरह सगरी मेडिकल क़लेज अस्पतालन में इमरजेन्सी सेवा के विस्तार कइल जाई.

अबहीं एक महीना पहिलहीं जेल से निकल के आइल बदमाश रमेश गोप उर्फ छोटा मक्खन के गैंगवार में गोलियन से भूंज दीहले सँ विरोधी. काल्हु शनिचर के दुपहरिया में ऊ अपना मेहरारू से भेंट करे अपना ससुराली गइल रहुवे. रामजीसक के रवि गोप प ई खून करे के अछरंग लगावल जात बा.

अफगानिस्तान के काबुल में काल्हु शनिचर का दिने इस्लामी आतंकियन के कइल एगो फिदायिन हमला में 15 गो अफगानी सैनिकन के मौत हो गइल. ई सैनिक मिलिटरी अकादमी से एगो मिनी बस से अपना बेस प जात रहलें जब ई हमला हो गइल.

Tags: , , , , , ,

%d bloggers like this: