तीन तलाक के गैरकानूनी अपराध बनवला का बाद एगो अउर बड़हन फैसला में केन्द्र सरकार हज पर दीहल जाए वाला सबसिडी के एही साल से बन्द क दिहलसि. सरकार एकरा के सुप्रीम कोर्ट के एगो फैसला का चलते एह तरह के फैसला लेबे के कारण बतवले बिया.
एह साल देश से हज करे जाए वालन के कोटा पहिले का मुकाबले पाँच हजार अधिका क दीहल गइल बा. एह साल पौने दू लाख लोग हज करे जाए वाला बा. अल्पसंख्यक मामिलात के मंत्री मुख्तार अब्बास नकवी एह बात के जानकारी आजु मंगल का दिने दीहलन.
सरकार के कहना बा कि हज सबसिडी के फायदा गरीब मुसलमानन के ना मिलत रहुवे. अब एहसे जवन धन बाची तवना के मुसलमान लईकियन का पढ़ाई पर खरचे के बाति कहत बिया सरकार. ओकर कहना बा कि मुसलमानन के मिले वाला फायदा पहिले से अधिका हो गइल बा.
55 total views, 1 views today