वाराणसी सारनाथ का बीच दोहरीकरण होखे खातिर कई गाड़ियन के काल्हु ना चलावे के फैसला


वाराणसी 07 मार्च (वार्ता). पूर्वोत्तर रेलवे के वाराणसी सिटी आ सारनाथ का बीट चलत अंतिम चरण के दोहरीकरण आ इण्टरलॉकिंग के काम का चलते काल्हु बियफे का दिने कई गाड़ियन ना चलावे के फैसला. कुछ का समय में बदलाव आ कुछ में कटौती कइल गइल बा.
ना चले वाली गाड़ियन में गाड़ी संख्या 15111 एवं 15112 वाराणसी सिटी-छपरा इंटरसिटी एक्सप्रेस, 75104 /75103 वाराणसी सिटी – फेफना डेमू, 55163 /55164 औड़िहार -शाहगंज सवारी गाड़ी आ गाड़ी संख्या 55133 /55134 वाराणसी सिटी – बलिया सवारी गाड़ी शामिल बाड़ी सँ.

आठ मार्च को गोरखपुर से चले वाली 15018 गोरखपुर-दादर एक्सप्रेस गोरखपुर से एक घंटा देरी से खुली.
गाड़ी संख्या 14018 दिल्ली – रक्सौल सदभावना एक्सप्रेस,19305 इंदौर -गुवाहाटी साप्ताहिक एक्सप्रेस,15159 छपरा-दुर्ग सारनाथ एक्सप्रेस,14007 रक्सौल-दिल्ली सदभावना एक्सप्रेस, 14008 दिल्ली – रक्सौल सदभावना एक्सप्रेस के राह में मामुली बदलाव कइल जाई.

आठ मार्च के वाराणसी सिटी से लख़नऊ जाए वाली 15007 वाराणसी सिटी का बदले मऊ जंक्शन से रवाना होखी. वाराणसी सिटी-मऊ का बीच आठ मार्च के ना चली. गाड़ी संख्या 75105 /75106 मऊ -इलाहबाद -मऊ डेमू गाड़ी मऊ का बदले मण्डुआडीह में टर्मिनेट हो जाई.
गाड़ी संख्या 55149 गोरखपुर -वाराणसी सिटी सवारी गाड़ी, गाड़ी संख्या 55120 वाराणसी सिटी-गोरखपुर सवारी गाड़ी औड़िहार से वाराणसी सिटी का बीच निरस्त रही आ गोरखपुर से औड़िहार का बीच चलावल जाई. गाड़ी संख्या 55135 आजमगढ़-वाराणसी सिटी सवारी गाड़ी औड़िहार आ वाराणसी सिटी के बीच निरस्त रही आ आजमगढ़ से औड़िहारे ले चली.
गाड़ी संख्या 55136 वाराणसी सिटी-आजमगढ़ सवारी गाड़ी वाराणसी सिटी से औड़िहार का बीच निरस्त रही आ औड़िहार से 20:15 बजे रिशेडयुल होके औड़िहार से आजमगढ़ का बीचे संचालित होखी. गाड़ी संख्या 75113 /75114 भटनी – वाराणसी सिटी डेमू गाड़ी 14 मार्च ले वाराणसी सिटी -सारनाथ के मध्य निरस्त रही आ भटनी-सारनाथ-भटनी के बीचे चली. गाड़ी संख्या 55131 /55132 छपरा – वाराणसी सिटी सवारी गाड़ी बलिया आ वाराणसी सिटी के मध्य निरस्त रही आ बलिया – छपरा का बीचे चलावल जाई.