Go to ...
RSS Feed

बिना फाटक वाला क्रॉसिंग बंद भइला से नाराज लोग ट्रेन रोकलें


(फाइल फोटो)


मऊ,27 मार्च (वार्ता). मऊ के मोहम्मदाबाद गोहना कोतवाली इलाका में मऊ-शाहगंज रेलखंड पर एगो क्रॉसिंग बंद भइला से नाराज गाँववाला लोग रेलवे पटरी पर प्रदर्शन क के विरोध जतावल. एह बीच दू गो रेलगाड़ी रुकल रहली सँ. रेलवे सुरक्षा बल एह मामिला में विधायक रहल बैजनाथ पासवान समेत अढ़ाई सौ लोग का खिलाफ मुकदमा दर्ज करवले बावे.
रेलवे सुरक्षा बल इंस्पेक्टर डी के राय बतवले कि खुरहट से मोहम्मदाबाद गोहना रेलवे स्टेशन का बीच उतरेजपुर का सोझा विधायक रहल बैजनाथ पासवान अढाई सौ लोग का साथे रेल पटरी पर कब्जा क के नारेबाजी करवलें. एह चलते मऊ से आनंद विहार जात 15026 मऊ आनंद विहार एक्सप्रेस पांच मिनट ले आ गोरखपुर से लोकमान्य तिलक जाए वाली गोदान एक्सप्रेस के 30 मिनट ले रोक के राखल गइल.
कहलें कि दस जने नामजद का साथे ढाई सौ लोग का खिलाफ मुकदमा दर्ज करावल गइल बा. एहमें पाँच दर्जन औरतो शामिल बाड़ी सँ.

Tags:

More Stories From उत्तर प्रदेश

%d bloggers like this: