Go to ...
RSS Feed

तस्करी से ले आवल जात 46 लाख रुपिया के शराब बलिया में धराइल


(प्रतीक फोटो)


बलिया, 29 मार्च (वार्ता). पंजाब से तस्करी क के बिहार ले जाइल जात 46 लाख रुपिया के शराब का साथे एगो तस्कर के बलिया में गिरफ्तार क लीहल गइल.
पुलिस अधीक्षक एस पी गांगुली बतवलें कि उभांव इलाका के तुर्तीपार रेगुलेटर का लगे दुपहरिया में पुलिस आ एस ओ जी के साझा अभियान में पंजाब से आवत एगो ट्रक के रोकल गइल. ओकरा तलाशी में 600 पेटियन में बन्द पंजाब के बनल 28800 बोतल अंग्रेजी शराब मिलल जवना के जप्त क लीहल गइल.
एह मामिला में ट्रक चालक पटियाला के रहे वाला पंजाब सिंह के गिरफ्तार क लीहल गइल बा.
बरामद शराब के द्म करीब 46 लाख रूपिया आंकल गइल बा.

Tags:

More Stories From अपराध

%d bloggers like this: