देवरिया, 29 मार्च (वार्ता). देवरिया पुलिस सलेमपुर इलाका में एगो बोलेरो से तस्करी क के बिहार ले जाइल जात 34 पेटी शराब धइलसि.
पुलिस प्रवक्ता बतवलें कि सूचना मिलल रहुवे कि एगो बोलेरो से कुछ लोग नाजायज तरीका से शराब लेके बिहार जाए के तइयारी करत बाड़ें. एकरा बाद पुलिस मझौलीराज के हनुमान चौक का लगे चहुँपल त शराब तस्कर पुलिस के देखते वाहन छोडके फरार हो गइले.
मौका से पुलिस वाहन से 34 पेटी में राखल शराब के 1632 शीशी बरामद कइलसि. एकर दाम करीब एक लाख 30 हजार रूपिया आंकल गइल बा.
एह बारे में मामिला दर्ज क लीहल गइल बा आ पुलिस फरार शराब तस्करन के जोहे में लागल बिया.
82 total views, 1 views today