बलिया 30 मार्च (वार्ता). बलिया पुलिस आजु एगो अंतरराज्यीय वाहन चोर गिरोह के भंडाफोड़ करत सात गो बदमाशन के गिरफ्तार क लिहलसि. एहनी का लगे से 18 गो चोरावल मोटरसाइकिल मिलल बा.
पुलिस अधीक्षक एस पी गांगुली बतवलें कि शहर कोतवाली पुलिस आ स्वाट टीम साथे मिलके पिपरा माफी चौराहा से गाड़ी चोर गिरोह के चार गो सदस्यन के गिरफ्तार क के ओकनी का कब्जा से चार गो मोटरसाइकिल बरामद कइलसि.
फेर एह पकड़ाइल चोरन का निशानदेही पर हल्दी इलाका से आठ गो चोरावल मोटरसाइकिल आ बैरिया इलाका से छह गो चारावल मोटरसाइकिल बरामद कइलसि आ तीन गो अउरी गाड़ीचोरन के गिरफ्तार क लिहलसि.
ई धराइल चोर मऊ, आजमगढ़, बलिया, आ बिहार से गाड़ी चोरावल रहले सँ आ फर्जी कागजात बनाके बेच देत रहले सँ. धराइल चोरन के नाम आनंद कुमार सिंह, अमन कुमार यादव, कमलेश यादव, विकास यादव, अरविन्द कुमार गुप्ता, अमित कुमार सिंह, आ राकी कुमार हवे. एह सभनी के जोल भेज दीहल गइल बा.
133 total views, 1 views today