web analytics

मऊ पुलिस मुठभेड़ क के दू गो शराब तस्कर धइलसि


मऊ, 12 अप्रैल (वार्ता). मऊ के सरायलखंसी इलाका में पुलिस आजु मुठभेड़ क के दू गो अंतरप्रांतीय शराब तस्करन के गिरफ्तार करत ओकना का गाड़ी पर लादल मिलावटी शराब बरामद कइलसि.
पुलिस से पता चलल कि भोर बेरा गश्ती करत में चिरैयाकोट से मऊ आवे वाला सड़क पर एगो पिकअप वाहन के रोके के इशारा कइलसि त ओपर बइठल लोग फायरिंग करत भागे के कोशिश कइल.
पुलिस के चलावल गोली से एगो तस्कर घवाहिल हो गइल. पुलिस वाराणसी के शिवपुर वासी घवाहिल रिक्की पटेल आ गाजीपुर के खानपुर वासी कमलेश यादव के गिरफ्तार कर लिहलसि.
एहना का गाड़ी पर पांच ड्रम मिलावटी शराब, दू गो तमंचा, कुछ कारतूस आ दू गो मोबाइल फोन बरामद भइल. शराब के दाम करीब 22 लाख होई.

 23 total views,  1 views today

%d bloggers like this: