टीडीएम के कार आरा में उत्पात मचवलसि

(प्रतीक फोटो)

आरा, 18 अप्रैल. मंगल का दिने आरा टीडीएम के बेकाबू बेकाबू स्कॉर्पियो आरा शहर में जमके उत्पात मचवलसि. सरकारी गाड़ी का नशा में धुत चालक तीन आदमी के कचार दिहलसि. ओहिजा से निकलल त जज कोठी मोड़ का लगे एगो टेम्पो के ठोकर मार दिहलसि. एह पर सवार आठ लोग घवाहिल हो गइल.
बाद में लोग चालक के ध लिहलसि आ उनुकर पूरा धुलाई क दीहल लोग. गड़िओ के कुटाई हो गइल. बाद में पुलिस चहुँपल त चालक के अपना कब्जे में लिहलसि, चालक गुड्डू नशा में धुत रहु आ पुलिस का हाथो लगला का बादो अनाप-शनाप बकत रहुवे आ गरियावत रहल. बाद में जाँच का बाद ओकरा नशा में होखे के बाति साबित हो गइल.
टीडीएम साहब के कहना रहे कि गाड़ी में खराबी रहुवे आ ओकरे के ठीक करावे ला गुड्डू ऑफिस से गाड़ी लेके निकलल रहुवे.